साफ २० दँया क्वयापि मिजंपिनिगु च्याम्पियनसिप फुटबलय् नेपालं थौं श्रीलङ्का नाप म्हितिइगु जुुगु दु।

कासा भारतया भुवनेश्वरय् कालीङ्गा मैदानय् बहिनि ७ः१५ बजे सुरु जुइ। सोमवाः जुगु उलेज्या कासाय् नेपालं माल्दिभ्सयात ४–० गोलं बुकुगु खः।

न्हापागु कासा श्रीलङ्का बङ्लादेश नाप १–० गोलं पराजित जुगु खः। च्याम्पियनसिपया ग्वसाः खलः भारत नाप नेपाल, माल्दिभ्स, श्रीलङ्का व बङ्लादेश सहभागी जुगु खः।

नेपालं मेगु कासा भारत नाप आइतवाः व लिपागु कासा बङ्लादेशनाप मेगु मङ्गलवाः म्हितिइ। शीर्ष निगु टीमं उपाधिया लागि मेगु शुक्रवाः म्हितिइ।

Categorized in कासा