जापान सरकारं सन् २००८ य् राजधानी टोकियाय् छुरा प्रहार याउगु व ट्रकं क्ययका न्ह्यम्हेसित ज्यान काउगु द्धपनय् ३९ दँ दुम्ह मिजंम्हेसित मृत्युदण्ड बिउगु दु।

तोमोहिरो कातों याउगु हत्या जापानय् लिपागु इतिहासय् दकलय् अप्पो ग्यानापुगु धका धाउगु दु। २५ दँ दुगु इलय् लँय् न्यासी वयाच्वपिन्त न्ह्यनेलाथे ट्रक चले याना स्याउगु खः।

अथेहे ज्वःगु हतियार छ्यला प्यम्हसिगु ज्यान काउगु खःसा च्याम्हेसित घाःपाः याउगु खः। कातोयात टोकियो हिरासत केन्द्रय् फाँसी बिउगु खः।

सन् २०१५ य् वयात मृत्युदण्डपाखे बचे यायेत इनाप यागुलि अदालतं अस्वीकार याउगु खः। धनी परिवारय् जन्मे जुम्ह छम्ह प्रतिष्ठित विद्यालयपाखे स्नातक यानातःम्ह कातो विश्वविद्यालयय् प्रवेश परीक्षाय् असफल जुम्ह खः।

Categorized in अन्तर्राष्ट्रिय