मंगलबाः घटे जुगु सेयर बजाः नेप्से थौं बुधबाः दोहोरो अंकं थहावःगु दु। बुधबाः २३.८३ अंकं थहावया बजाः २१११.९९ बिन्दुइ थ्यःगु दु।

व्यापार बाहेक दक्को उपसमूहया भाः थहावःगु दु। थौं दकलय् अप्पो वित्त कम्पनीया लगानीकर्तापिन्स कमे याउगु दु। बुधबाः कुल २२७ कम्पनीया ५० हजार २९७ गु कारोबारपाखे ७५ लाख ८ हजार १८८ कित्ता शेयर किनबेच जुगु दु।

थुकिइ ३ अर्ब १६ करोड १४ लाख ५५ हजार १४२ रुपैयाँ बराबरया कारोबार जुगु दु। थौं बुधबाः जानकी फाइनान्स, यूनाइटेड मोदी हाइड्रो व राष्ट्रउत्थान लघुवित्तया भाः सकारात्मक सर्किटय् थ्यःगु दु।

नेष्डो लघुवित्त, जाल्पा सामुदायिक लघुवित्त, यूनिभर्सल पावर, यूनियन हाइड्रोपावर न भाः थहावंगु दु। डिभेन्चरया भाः धाःसा कुहावंगु दु। बुधबाः शिवम् सिमेन्ट यक्को कारोबार जुग दु।

Categorized in राष्ट्रिय