२०८० चैत्र १६, शुक्रबार

ठमेलय् चिनियाँ नागरिकं सञ्चालन यानाच्वंगु कल सेन्टरय् छापामारेयात

लहनान्युज | दिल्लागा औंसी ११४२, साउन १२ बिहीवाः

प्रहरीं ठमेलय् चिनियाँ नागरिकं सञ्चालन यानावया च्वंगु कल सेन्टरय् छापा मारे याउगु दु।

जिल्ला प्रहरी परिसर, येँया टोलीं ज्याठाय् भियना होटलनाप दुगु भवनय् प्यम्ह चिनियाँ नागरिकपिन्त ज्वःनागु दु धका एसपी दिनेशराज मैनालीं धाउगु दु।

प्रहरीं २७ ल्यापटप, ४७२ मोबाइल, एनसेल व स्मार्ट सेलया सीम कार्ड २०÷२० व १ लाख ९० हजार रुपैयाँ बराबरया रिचार्ज कार्ड न बरामद याउगु खः।

सोमबां प्रहरी तीनकुनेया कल सेन्टरय् न छापामारे याना चिनियाँ नागरिक नाप ३६ म्हेसित ज्वःगु खःसा आइतबाः प्रहरीं बुटवलय् चिनियाँ नागरिकपिन्स कल सेन्टरय् छापामारे याउगु खः।

Categorized in अपराध