भारतया पश्चिम बंगालया कांग्रेस सांसद अधीर रञ्जन चौधरीं राष्ट्रपति द्रौपदी मुर्मूयात ‘राष्ट्रपत्नी’ धाउगु धासे संसदय् विरोध जुगु दु।

सत्तारुढ भारतीय जनता पार्टी विजेपीया सांसदपिन्स संसदय् कांग्रेसं माफी फ्वनेमाः धासे संसद (लोकसभा) य् विरोध याउगु दु। चौधरींया टिप्पणीयात कया विजेपी सांसदपिन्स होहल्ला यायेवं संसद बैठक हे स्थगित जुगु दु।

संघीय मन्त्री स्मृति इरानीं कांग्रेसं मुर्मूप्रति घृणा व उपहास याउगु धका द्धपः बिउगु दु। सत्ताधारी दलं चिधःगु खँयात तधःगु धका  चौधरीं द्धपः बिउगु दु। वयकलं धाउगु दु, ‘जि स्यू भारतया राष्ट्रपति न्ह्यम्हे जूसा झीपिनिगु लागि राष्ट्रपति हे खः, थ्व शब्द (राष्ट्रपत्नी) छकः म्हुतू पिहावःगु खः, सत्ताधारी दल तधःगुकगु धका द्धपः बियादीगु खः।

Categorized in अन्तर्राष्ट्रिय