प्रबाथ जयसूर्या व रमेश मेन्डिस मिले जुया १७ विकेट कायेवं श्रीलंकां पाकिस्तान विरुद्धया निगुगु टेस्ट २४६ रनं विजय हासिल याउगु दु।थुगु कासा लिपा श्रीलंका आईसीसी वर्ल्ड टेस्ट च्याम्पियनसिपय् स्वगुगु थासय् थ्यःगु दु। पराजित जुगु पाकिस्तान धासा न्यागु थासय् लागु दु। पाकिस्तानया ४१९ रनया लक्ष्य बिउगु दु।

तर, गले अन्तर्राष्ट्रिय क्रिकेट मैदानय् २६१ रनय् पाकिस्तानं दक्को विकेट गुमे याउगु खः। पाहुना टोली पाकिस्तान ८९÷१ या स्थितिइ लिपागु दिं सुरुवात याउगु खः। पाकिस्तानं वंगु दिं स्कोरय् थप १७२ रन जक दयकूगु खः। पाकिस्तानया इमाम–उल–हक ४६ व कप्तान बाबर आजम २६ रन दयकगु खः।

पाकिस्तानया ओपनर अब्दुल्लाह शफिक १६ रन दयका पवेलियनय् लिहावंगु खः। उल हकं ४९ रन दयकूगु खःसा बाबरं ८१ रन दयकूगु खः। मोहम्मद रिजवानं ३७, मोहम्मद नवाजं १२, यासिर शाहं २७, नसीम शाहं १८ व हसन अलीं ११ रन दयकूगु खःसा मेपिन्स दोहोरो अंकया रन तक दयमफुगु खः।

घरेलु टोली श्रीलंकाया जयसूर्या न न्यागु विकेट काउगु खःसा मेन्डिसं प्यगू विकेट काउगु खः। न्हापागु इनिङ्सय् जयसूर्या न स्वगु व मेन्डिसं न्यागु विकेट काउगु खः। न्हापागु इनिङ्सय् पाकिस्तानं २३१ रन दयकूगु खः। न्हापागु इनिङ्य् पाकिस्तानया अघा सलमानं ६२ रन दयकूगु खःसा मेपिन्स बालागु प्रदर्शन याये मफुगु खः। श्रीलंकां न्हापागु इनिङ्य् ३७८ दयकूगु खः।

न्हापागु इनिङ्य् श्रीलंकाया दिनेश चन्डीमलं ८० रन दयकूगु खःसा निरोशन दिकवेलां ५१ व ओशाा फार्नान्डो न ५० रन दयकूगु खः। एन्जेलो म्याथ्युजं ४२ व कप्तान दिमुथ करुणारत्ने ४० रन दयकूगु खःसा रमेश मेन्डिज ३५ रन दयकूगु खः। श्रीलंकां ३६०÷८ या स्थितिइ निगुगु इनिङ् क्वचायेकूगु खः।

निगुगु इनिङ्य् धनन्जय डी सिल्भां १०९ रन दयकूगु खः। कप्तान करुणारत्ने न ६१ रन जोडे दयकूगु खःसा मेन्डिस ४५ रनया अविजित पालि म्हितिगु खः। थुगु कासा लिपा निगु टेस्ट शृंखला १–१ या बराबरीइ क्वचाःगु खः।

Categorized in कासा