नेकपा एमालें बजाः भाः व भ्रष्टाचारविरुद्ध थौं येँ जनप्रदर्शन याइगु जुगु दु।

सरकारं महँगी नियन्त्रणया लागि छु न कुतः मयाउगु धासे एमालेें जनप्रदर्शन यायेत्यःगु खः। थौं न्हिनय् २ बजे वसन्तपुरय् जनप्रदर्शन सुरू जुइ धका एमालें धाउगु दु।

एमालेया वरिष्ठ उपाध्यक्ष ईश्वर पोखरेलं बजाः थहावना नागरिकपिन्त तधःगु समस्या जूसा बजाः भाः नियन्त्रणया लागि छु न कुतः मयागुलि हे जनप्रदर्शनपाखे सरकारयात खबरदारी यायेत्यःनागु खः धका धाउगु दु।

वयकलं जनप्रदर्शनयात व्यवस्थित व सङ्गठित शक्तियात परिचालन यायेत निर्देशन बिउगु दु।

Categorized in राष्ट्रिय