नेपाली राष्ट्रिय फुटबल टोलीका गोलकिपर किरण चेम्जोङं सोमबाः क्लबं उपाधि ‘सेलिब्रेसन’ या झ्वलय् थः मतिना याना च्वम्ह सार्वजनिक याउगु दु।

माल्दिभ्सया शीर्ष डिभिजन धिवेही प्रिमियर लिगया उपाधि बिजयी जुइ धुका सेलिब्रेसन यायेगु झ्वलय् किरणं थः मतिना यानाच्वम्ह कञ्चन निरौलायात मैदानय् अंगू न्ह्याका मतिनाया प्रस्ताव याउगु खः।

वयकःया मतिनामि कञ्चन एयर होस्टेज खः धका धाउगु दु। कञ्चन व किरण लिपागु दँच्छित्याः न्ह्यः निसे सम्बन्ध दु धका धाउगु दु। किरण आबद्ध माजिया स्पोर्ट्स एन्ड रिक्रिएसनं सोमबाः क्लब इगल्सयात ५–० या गोलं त्याकूगु खः।

उपाधि त्याका ट्रफी वितरण यानाच्वंगु इलय् किरणं मैदानपिने च्वम्ह कञ्चनयात सःता टिमं सेलिब्रेसन याना च्वंगु थासय् यकूगु खः। पासापि नाप अंगू फ्वना न्ह्याकूगु खः।

किरणं थ्व स्वया न्ह्यः सन् २०१८ या लिगय् न उत्कृष्ट गोलकिपरया अवार्ड त्याकूगु खः।

Categorized in कासा