लुम्बिनी विकास गुरुयोजना विपरीत रिसोर्टयात जग्गा बिइगु निर्णय खारेज याउगु दु।

संस्कृति, पर्यटन तथा नागरिक उड्डयनमन्त्री नाप लुम्बिनी विकास कोष परिषदया अध्यक्ष जीवनराम श्रेष्ठया अध्यक्षताय् थौं च्वंगु परिषदया बैठकं ‘क्याम्पेन ग्राउन्ड’ या जग्गा निजी कम्पनीयात बिइगु वैशाख १९ गतेया निर्णय खारेज यानाबिउगु दु।

गुरुयोजनाविपरीत संसारा वेलनेस नां या कम्पनीयात लुम्बिनी विकास कोष दुने रिसोर्ट सञ्चालन यायेत बिउगुे अनुमति खारेज याना बिउगु दु। बैठकं लुम्बिनीइ पर्यटक सुविधाया लागि विद्युतीय बस सञ्चालन यायेगु निर्णय याउगु दु।

लच्छिया दुने विद्युतीय बस सेवा सञ्चालन यायेगु निर्णय याउगु खः। लुम्बिनी वःनिपि पर्यटकपिन्त सुविधायुक्त व याउक अवलोकनया लागि विद्युतीय बस सञ्चालन यायेगु निर्णय याउगु दु। कोषया परिषद् बैठकं लुम्बिनी गुरुयोजनाया ज्या चालु आर्थिक दँ दुने सम्पन्न यायेगु निर्णय न याउगु दु।

Categorized in राष्ट्रिय