२०७९ श्रावण २५, बुधबार

नेप्से ३४ दशमलव ८५ अङ्कं घटे जुल

रसिया श्रेष्ठ | गुंलाथ्व अष्टमी ११४२, साउन २० शुक्रवाः

शेयर बजाः थौं शुक्रवाः ३४ दशमलव ८५ अङ्कं घटे जुगु दु। थौं नेप्से २ हजार १ सय १३ दशमलव ३० बिन्दुइ कुहावंगु दु।

थौं म्युचल फन्डबाहेक दक्को समूहया शेयर घटे जुगु दु सा बीमा, विकास बैंक, व्यापार, फाइनान्स व जलविद्युत् समूहया शेयर यक्को अङ्कं कुहावंगु दु।

शेयर बजारय् २१३ गु कम्पनीया ६४ लाख १६ हजार कित्ता शेयर २ अर्ब ६२ करोड रुपैयाँया कारोबार जुगु दु। दकलय् अप्पो शिवम् सिमेन्ट्सया १५ करोड ६६ लाख रुपैयाँया शेयर किनबेच जूगु दु।

थौं मैलुङ खोला जलविद्युत् कम्पनीया शेयर ७ प्रतिशत स्वया अप्पो घटे जुगु दु। समग्र बजाः घटे जूसां जोशी जलविद्युत् कम्पनीया शेयर ६ प्रतिशत स्वया अप्पो थहावंगु दु।

Categorized in राष्ट्रिय