येँ महानगरपालिका २२ वडा दुने लाःगु न्यूरोडय् छक्वलं ३२ गू सहकारीत बिसिउँ वन धकाः पिहां वयाच्वंगु समाचार फय्गं जक जूगु धका येँ महानगरपालिका २२ वडा कार्यालयं धाःगु दु।

येँ महानगर २२ वडाध्यक्ष चिनीकाजी महर्जनं थःगु सामाजिक सञ्जालं छगू सुचं पित बिसें थ्व सम्बन्धी समाचार पिहां वयेवं वडापाखें अध्ययन याना स्वःबलय् बिसिउँ वन धकाः नां पिहां वःगु सहकारीत ताःई न्ह्यवंनिसें दर्ता नवीकरण तकं मयासे कारोवारय् मदुगु खँ धका धयादीगु खः।

उपिं ताःई न्ह्यव हे बन्द जुइधुंकूगु सहकारी जूगु कारणं आः तिनि बिसिउँ वंगु मखु धकाः नं वडां स्पष्ट याःगु दु।

Categorized in राष्ट्रिय