२०७९ आश्विन २०, बिहिबार

पवन जोशीया निर्देशनय् न्हुगु म्युजिक भिडियो पिहावइगु

नृपेन्दलाल श्रेष्ठ | गुंलाथ्व दशमी ११४२, साउन २२ आईतवाः

नेपाःया नांजाम्ह कलाकार नाप निर्देशक पवन जोशीया निर्देशनय् न्हुगु म्युजिक भिडियो पिहावइगु जगु दु।

किपूलिइ शुटिङ्ग जुगु उगु म्युजिक भिडियोलय् किपूया पूर्णमान महर्जनया च्वसाय् बुद्ध भजन म्ये प्याखं ‘दःसां दुःख मदुसां दुःख’ बोलया म्येँ दिपा महर्जन, रत्नशोभा महर्जन व मथुरा महर्जनं हालादिगु खःसा संगीत मथुरा महर्जनं तयादीगु खः।

सन्तोष महर्जनं बाजं ग्वसाः ग्वयादीगु खः। किपूया थीथी विहार व थासय् छायांकन जूगु उगु म्येय् भन्ते तिस्स स्थविरं मू भुमिकाय् अभिनय यानाः बिज्याःगु दुसा छगू दर्जनं मल्याक्क् कलाकारपिनिगु अभिनय दुथ्याःगुु दु धका निर्देशक जोशी लहनान्युजयात जानकारी बियादीगु दु।

‘दःसां दुःख मदुसां दुःख’ म्येया छायांकनया झ्वलय् ‘सानो पाईला’ नांया छगू संस्थां चीधंगु आर्थिक ग्वाहालि नं लःल्हाःगु खः।

संस्थाया अध्यक्ष ज्यापुनी ईन्दुं म्येच्वमि पूर्णमान महर्जनयात आर्थिक ग्वाहालि लःल्हानादीगु खः। थुगु म्युजिक भिडियोया क्यामेरा पर्सन नाप सम्पादन राजेश शाक्य यानादीगु खःसा पूर्णमान महर्जन व राममाया महर्जनं निर्माण यानादीगु खः।

Categorized in मनोरन्जन