२०८० चैत्र १५, बिहिबार

बिष्णु–नाति फोतो पत्रकारिता सिरपा बिकाश द्धारेयात

नृपेन्दलाल श्रेष्ठ | गुंलाथ्व द्धादशी ११४२, साउन २४ मंगलवाः

नेवाः संस्कृति नाप तजिलजियात कया पत्रकारिता ख्यलं योगदानदिम्ह गोरखापत्रया फोटो पत्रकार बिकाश द्धारेयात बिष्णु–नाति फोतो पत्रकारिता सिरपा लःल्हाःगु दु।

बरिष्ठ फोतो पत्रकार नाति काजी महर्जनं निस्वानादीगु थुगु सिरपा थौं छगु ज्याझ्वःया दथुइ संघिय मामिला तथा सामान्य प्रशासनमन्त्री राजेन्द्र श्रेष्ठ लःल्हानादीगु खः।

बिष्णु–नाति फोतो पत्रकारिता सिरपा गुथिया ग्वसालय् जुगु उगु ज्याझ्वलय् मूपाहाँ मन्त्री श्रेष्ठ नेवाःत तजिलजिइ तःमिपि खः। थुगु सिरपां नेवाः तयेगु संस्कृति नाप तजिलजियात थकायेत यक्को ग्वाहालि जुइ धका धयादीगु खः।

अथेहे सिरपा कयादीम्ह पत्रकार द्धारें थःम्हेसिया थौं स्वया झींखुदँ न्ह्यः पत्रकारिता सुरुयाना थौं थुगु सिरपापाखे सम्मानित जुइ खना तसक लय्ता।

गुथिया अध्यक्ष पत्रकार दानदास श्रेष्ठया सभाध्यक्षय् जुगु उगु ज्याझ्वलय् नेवाः देय् दबूया अध्यक्ष पबित्र बज्राचार्य व येँ महानगरपालिका १८ वडाध्यक्ष न्हुच्छे काजी महर्जनं थःथःगु नुगः खँ तयादीगु खः।

Categorized in राष्ट्रिय