२०८० चैत्र १५, बिहिबार

धौलागिरि लघुवित्तया आईपीओ बिक्री खुल्ला

रसिया श्रेष्ठ | गुंलाथ्व द्धादशी ११४२, साउन २४ मंगलवाः

धौलागिरि लघुवित्त वित्तीय संस्था लिमिटेडं थौं २४ साउन मंगलबाःनिसे धितोपत्रको प्राथमिक सार्वजनिक निष्कासन (आईपीओ) बिक्री खुल्ला याउगु दु।

लघुवित्तं प्रतिसेयर १०० रुपैयाँ अंकित भाः सर्वसाधारणया लागि आईपीओ जारी याउगु दु। कम्पनीं ३ करोड ३१ लाख रुपैयाँ बराबरया ३ लाख ३१ हजार कित्ता आईपीओ जारी यायेत नेपाल धितोपत्र बोर्ड स्वीकृत याउगु खः।

कुल सार्वजनिक निष्कासन याउगु सेयरमध्ये ५ हजार १५५ कित्ता कर्मचारीपिनिगु लागि व १६ हजार ५५० कित्ता सामूहिक लगानी कोषयात सुरक्षित याउगु खः। सर्वसाधारणपाखे ल्यः दुगु ३ लाख ९२९५ कित्ता सेयरया लागि आवेदन माग याउगु खः।

कम्पनीया आईपीओ याकनं २९ साउन व उगु इलय् गाक्कं आवेदन मवंसा लिबाक्क ७ भदौतक आवेदन बिइगु निति ई थपे याइ। लगानीकर्तापिन्स न्यूनतम १० कित्तानिसे १ हजार कित्तातक आवेदन बिइ फइ।

कम्पनीया आईपीओ निष्कासनया लागि धितोपत्र निष्कासन व बिक्री प्रबन्धकय् सनराइज क्यापिटल लिमिटेड न याइगु दु। आः ७ करोड रुपैयाँ चुक्ता पुँजी दुगु लघुवित्तया चुक्ता पुँजी आईपीओ निष्कासन लिपा १० करोड ३१ लाख रुपैयाँ थ्यनिइ।

Categorized in राष्ट्रिय