वंगु २४ घण्टाया दुने देयन्यक थप ८१५ म्हेसित कोरोना संक्रमित जूगु दु। अथेहे कोरोना संक्रमणं न्याम्ह सीउगु दु धका स्वास्थ्य तथा जनसंख्या मन्त्रालयं धाउगु दु।

मन्त्रालयया कथं ४ हजार ५३४ म्हेसिगु परीक्षण यागुलि ८१५ म्हेसित संक्रमण पुष्टि जूगु खः।देयन्यक २ हजार ४११ म्हेसिगु पीसीआर परीक्षण याउगुलि ४६५ म्ह व २ हजार १२३ म्हेसित एन्टिजेन परीक्षण याउगुलि ३५० म्हेसित संक्रमण जूगु दु धका मन्त्रालयं धाउगु दु।

स्वास्थ्य मन्त्रालयया कथं दकलय् अप्पो येँ १८३ म्हेसित कोरोना सक्रमण जूगु दु। अथेहे, कास्कीइ ६८, यलय् ५९ व कैलालीइ ३५, रुपन्देहीइ २०, संखुवासभाय् १५ व सुनसरीइ १० म्हेसित कोरोना संक्रमण पुष्टि जूगु दु।

Categorized in राष्ट्रिय