शेयर बजाः थौं बिहीवाः न घटे जूगु दु। शेयर बजार परिसूचक नेप्से थौं १९ दशमलव शून्य ६ अङ्कं घटे जूया २ हजार ३७ दशमलव ८३ विन्दुइ कुहावंगु दु।

थौं दक्को समूहया शेयर घटे जूसा उत्पादन, बीमा, फाइनान्स व माइक्रोफाइनान्स समूहया शेयर तसकं थहावंगु दु। २२३ कम्पनीया ६२ लाख ९८ हजार कित्ता शेयर १ अर्ब ७६ करोड १० लाख रुपैयाँया कारोबार जूगु दु।

दकलय् अप्पो शिवम् सिमेन्ट्सया ७ करोड २७ लाख रुपैयाँया शेयर किनबेच जूगु खः। थौं युनिलिभर नेपालया शेयर ८ प्रतिशत स्वया अप्पो व बुद्धभूमि नेपाल हाइड्रोया शेयर साढे ७ प्रतिशतं घटे जुगु खः समग्र बजाः कुहावंसा हिमालयन हाइड्रोपावर व अपर हेवा खोला जलविद्युतया शेयर १० प्रतिशतं थहावंगु दु।

Categorized in राष्ट्रिय