फोनिजया स्थापना दिवसय् सन्दिप श्रेष्ठ हनं
लहनान्युज | गुंलागा द्धितीया ११४२, साउन २८ शनिवाः
नेपाल आदिवासी जनजाति पत्रकार महासघं ( फोनिज ) चितवनं नेवाः पत्रकार राष्ट्रिय दबूया उपाध्यक्ष नाप स्वास्थ्य दर्पण मिडिया नेटवर्कया सम्पादक सन्दिप कुमार श्रेष्ठयात सम्मान याउगु दु।
फोनिजया २३ क्वःगु स्थापना दिवसया लसताय् शुक्रबाः भरतपुरय् जूगु छगु ज्याझ्वः दथुइ संस्थाया निवर्तमान अध्यक्ष श्रेष्ठयात सम्मानित याःगु खः।
श्रेष्ठं ( फोनिज) चितवन निदँतक कार्यवाहक अध्यक्ष व छगु कार्यकाल अध्यक्ष जूया सफल नेतृत्व याःगूलि सम्मान याःगू खः।
ज्याझ्वःया मूपाहाँ इच्छाकामना गाउँपालिकाया अध्यक्ष दान बहादुर गुरुङ नेपाल पत्रकार महासघं चितवनया उपाध्यक्ष प्रमिता ढकाल व फोनिजया शाखा अध्यक्ष रमेश राना मगरपिन्स मंकाः कथं हंगू खः।
उगु ज्याझ्वलय् कालिका एफएमकी संचारकःमि आशिका थापामगरयात न सम्मान याःगु खः।
Categorized in राष्ट्रिय
