नेपाली कांग्रेसया नेता शेखर कोइरालां थः निकट नेतापि नाप छलफल न्ह्याकूगु दु। छलफल थौं न्हिनय् २ बजे बालुवाटारय् सम्पर्क कार्यालयय् यायेत्यःगु दु।

आः जुइत्यःगु प्रदेश व प्रतिनिधि सभा निर्वाचनय् माःगु रणनीति तय यायेत छलफल यायेत्यःगु खः। उगु छलफलय् निगु तहया नेता व भातृ संस्थाया नेतापिन्त सःतूगु दु।

थ्व स्वया न्ह्यः बत्तिसपुतलीइ छगू पार्टी प्यालेसय् जूगु छलफलया विषय कोइरालां जानकारी बिइगु व भावी रणनीति तय यायेत्यःगु दु धका नेतापिन्स धागू दु।

पाटीं सभापति देउवां न्यागू भातृ संस्थाया अध्यक्ष क्वछिइगु झ्वलय् थःपिन्के परामर्श मयासे यःकति हे यायेवं कोइराला पक्षपि असन्तुष जूगु खः।

थ्व स्वया न्ह्यः थुगु समूहया नेता–कार्यकर्तापिन्स पार्टी कार्यालय सानेपाय् विरोध प्रदर्शन याःगू खः।

Categorized in राजनीति