वइगु मंसिर ४ गते जुइगु प्रतिनिधि सभा व प्रदेश सभा चुनावया लागि निर्वाचन आयोगं आह्वान याःगू दल दर्ता यायेगु थौं लिपागु ई खः।

सरकारं चुनावया मिति घोषणा यायेवं आयोगं वंगु साउन २२ गतेनिसे दल दर्ता आह्वान याःगू खः। थ्व हे साउन १९ गतेतक आयोगय् दर्ता कायम दुगु राजनीतिक दलं प्रतिनिधि सभा व प्रदेश सभा सदस्य चुनावय् भाग काइपिन्स आयोगय् दल दर्ता यायेमाः।

आयोगय् साउन १९ गतेतक १ सय १६ दल दर्ता जूगु दु। उकि मध्ये चुनावय् भाग कायेत आःतक आयोगय् ६२ दल दर्ता जूगु दु धका सहप्रवक्ता सूर्यप्रसाद अर्यालं जानकारी बिःगू दु।

प्रमुख दलमध्ये नेपाली कांग्रेसं आःतक दर्ता याःगु मदुनि।

Categorized in राष्ट्रिय