२०८० चैत्र १६, शुक्रबार

लिगाय् एट्लेटिको म्यड्रिड व रियल बेटिसं विजयी सुरुवात

राम डंगोल | गुंलागा पंचमी ११४२, साउन ३१ बुधवाः

स्पेनिस ला लिगा फुटबलय् एट्लेटिको म्यड्रिड व रियल बेटिसं विजयी सुरुवात याःगु दु। एट्लेटिको मड्रिडं गेटाफेयात वयागु हे मैदानय् ३–० गोलं बूकुगु खः।

अल्भारो मोराटाया निगु व एन्टोइन ग्रिजमनं छगु गोल याःगु खः। थुगु कासा लिपा एट्लेटिको म्यड्रिडया ३ अङ्क जूगु दु। मेगु कासाय् रियल बेटिसं इल्चेयात ३–० गोलं त्याकूगु दु।

रियल बेटिसया न अङ्कतालिकाय् ३ अङ्क थ्यःगु दु। ला लिगाय् मेगु मासाय् एट्लेटिको क्लब व मालोर्का गोलरहित बराबरी जूगु दु।

Categorized in कासा