२०७९ आश्विन २०, बिहिबार

वेस्ट इन्डिज ५ विकेटं विजयी

लहनान्युज | गुंलागा सप्तमी ११४२, भाद्र २ बिहीवाः

न्युजिल्यान्डयात न्हापागु एक दिवसीय क्रिकेटय् घरेलु टोली वेस्ट इन्डिज ५ विकेटं विजयी जूगु दु।

ब्रिजटाउनय् थौं सुथय् जुगु कासाय् न्युजिल्यान्डं बिःगू १ सय ९१ रनया लक्ष्य वेस्ट इन्डिजं ३९ ओभरय् ५ विकेटया क्षतिइ पूरा याःगु खः। शामरन ब्रुक्सं ७९ रनया अर्धशतकीय पारी म्हितूगु खः। कप्तान निकोलस पुरनं २८ व शाई होपं २६ रन दयकूगु खः।

पाहुना टोली न्युजिल्यान्डया ट्रेन्ट बोल्ट व टिम साउदीं समान २÷२ व मिचेल स्याट्नीरं १ विकेट काःगू खः। व स्वया न्ह्यः न्हापां ब्याटिङ याःगु न्युजिल्यान्डं १ सय ९० रनय् अलआउट जूगु खः।

कप्तान केन विलियम्सं ३५ व मिचेल ब्राकिवेलं ३१ रन दयकूगु खः। वेस्ट इन्डिजया अकिल होसेन व अल्जारी जोसेपं समान ३÷३ व जासन होल्डरं २ विकेट काःगू खः।

थ्व कासा लिपा स्वगू एक दिवसीय शृङ्खलाय् घरेलु टोली वेस्ट इन्डिजं १–० या अग्रता दयकूगु दु। निगुगु एक दिवसीय कन्ह्यः व स्वगू कासा आइतवाः जुइ।

Categorized in कासा