संसदं नागरिकता ऐन संशोधन विधेयक थौं हे पारित याइगु जुगु दु। संसद सचिवालयं सार्वजनिक याःगु थौंया लिपागु कार्यसूचीइ नागरिकता विधेयक पारित यायेगु उल्लेख दु।

राष्ट्रपतिं हाकनं विचाः यायेगु लागि धका प्रमाणीकरण मयासे लित छ्वंगु विधेयक हुबहु पारित यायेत्यःगु दु। ३१ साउनय् च्वंगु सत्ता गठबन्धनया बैठकं राष्ट्रपतिं हाकन विचाः यायेत छ्वया हःगु विधेयक हुबहु न्ह्यने यकेगु निर्णय याःगु खः।

संसदया निगुगु हे सदनपाखे पास जूगु नागरिकता सम्बन्धी विधेयक १५ साउनय् सभामुख अग्निप्रसाद सापकोटां राष्ट्रपतिया थाय् प्रमाणीकरणया लागि छ्वंगु खः।

तर राष्ट्रपति भण्डारीं १५ बुँदे सन्देश नाप २९ गते उगु विधेयक प्रतिनिधिसभाय् लितः छ्वया हःगु खः।

Categorized in राष्ट्रिय