शेयर बजारय् थौं बिहीवाः २८ अङ्कं थहावंगु दु। शेयर बजाः परिसूचक नेप्से थौं २७ दशमलव ७२ अङ्कं थहावना २ हजार ६८ दशमलव ४२ विन्दुइ थ्यःगु दु।

थौं दक्को समूहया शेयर सामान्य थहावःगुलि जलविद्युत्, फाइनान्स व माइक्रोफाइनान्स समूहया शेयर यक्को कुहावंगु दु। बजाः थहावंगुलि कारोबारय् न भचा सुधार जूगु दु।

२२० कम्पनीया ५१ लाख १ हजार कित्ता शेयर २ अर्ब ५ करोड ७९ लाख रुपैयाँ कारोबार जूगु दु। दकलय् अप्पो रिडी हाइड्र्रोया १० करोड ४३ लाख रुपैयाँ शेयर किनबेच जुगु खः।

थौं मन्दाकिनी हाइड्रो, अपर सोलु हाइड्रो, अप हेवाखोला हाइड्रो व श्वेतगंगा हाइड्रोया शेयर १० प्रतिशतं थहावंगु दु। समग्र बजाः थहावंगु दु सा सर्पोट लघुवित्तया शेयर दकलय् अप्पो ३ दशमलव २८ प्रतिशतं घटे जुगु खः।

Categorized in राष्ट्रिय