२०७९ आश्विन २०, बिहिबार

माओवादी केन्द्रं न्याम्ह उपाध्यक्षया जिम्मेवारी बिइगु

लहनान्युज | गुंलागा सप्तमी ११४२, भाद्र २ बिहीवाः

नेकपा माओवादी केन्द्रं न्याम्ह नेतापिन्त उपाध्यक्षया जिम्मेवारी बिःगु दु। अध्यक्ष पुष्पकमल दाहाल प्रचण्डं नेतापि दिनानाथ शर्मा, कृष्णबहादुर महरा, गणेश साह, पम्फा भुसाल व हरिबोल गजुरेलयात उपाध्यक्ष दयकिइगु तयारी याःगु दु धका माओवादी केन्द्रया छम्ह नेतां जानकारी बिःगु दु।

प्रचण्डं वरिष्ठ उपाध्यक्षया जिम्मेवारी धाःसा नेता नारायणकाजी श्रेष्ठयात बिइ धुकुगु दु। नेकपा माओवादी केन्द्रं बुधबाः सुरु जूगु स्थायी समिति बैठकय् पदाधिकारी टुंग्ये यायेगु विषय छलफल जूगु दु । बिहीबाः च्वनिइगु बैठकं पदाधिकारी टुग्ये यायेगु धाःसा आःतक बैठक च्वंगु मदुनि। बैठकय् प्रचण्डं पदाधिकारीपिनिगु प्रस्ताव याइ। माओवादी छम्ह नेता कथ देव गुरुङ महासचिव जुइगु पक्का जुगु दु।

महासचिवया दावेदारपि वर्षमान पुन, जनार्दन शर्मा व गिरिराजमणि पोखरेल उमहासचिव जुइगु दु।

Categorized in राजनीति