वंगु २४ घण्टाया दुने देयन्यक थप ६२३ म्हेसित कोरोना संक्रमण पुष्टि जूगु दु। स्वास्थ्य तथा जनसंख्या मन्त्रालयया कथं ४ हजार ९४५ म्हेसिगु परीक्षण याःगुलि ६२३ म्हेसित संक्रमण पुष्टि जूगु दु।

स्वास्थ्य मन्त्रालयया कथं १ हजार ६२१ म्हेसिगु पीसीआर परीक्षण याःगुलि २४६ म्ह व ३ हजार ३२४ म्हेसिगु एन्टिजेन परीक्षण याःगुलि ३७७ म्हेसित संक्रमण जूगु दु धका मन्त्रालयं धाःगु दु।

थ्व नाप कोरोना भाइरसया सक्रिय संक्रमितपि ५ हजार २४ म्ह थ्यःगु दु। वंगु २४ घण्टाय् ४८७ म्ह संक्रमणमुक्त जूगु दु।

Categorized in राष्ट्रिय