२०७९ आश्विन २०, बिहिबार

दक्षिण अफ्रिकां न्हापागु टेस्ट बिजयी

राम डंगोल | गुंलागा नवमी ११४२, भाद्र ४ शनिवाः

दक्षिण अफ्रिकां न्हापागु टेस्टय् घरेलु टोली इङ्ग्ल्यान्डयात बूकुगु दु। लर्ड्सय् जुगु न्हापागु कासाय् दक्षिण अफ्रिकां इङ्ग्ल्यान्डयात छगू इनिङ् व १२ रनं त्याकूगु खः।

थुगु कासालिपा स्वगु टेस्ट शृङ्खलाय् दक्षिण अफ्रिकां १–० न्ह्यने लाःगु दु। इङ्ग्ल्यान्डं निगुगु पारीइ १ सय ४९ रन जक दयके फूगु खः। दक्षिण अफ्रिकां कासाया निन्हु न्ह्यः ल्यदकिइगु अवस्थाय् त्याकूगु खः।

न्हापागु पारीइ दक्षिण अफ्रिकां १ सय ६१ रनं न्ह्यने लाकूगु खः। १ सय ६१ रनं लिउने लाःगु इङ्ग्ल्यान्ड १ सय ४९ रन दयकूगु इलय् दक्को विकेट गुमे याःगु खः।

वया लिपा टस बुगुलि न्हापा ब्याटिङ याःगु इङ्ग्ल्यान्डं न्हापागु पारीइ १ सय ६५ रन दयका अलआउट जूगु खः। न्हापागु पारीइ दक्षिण अफ्रिकां ३ सय २६ रन दयका अलआउट जूगु खः। मेगु कासा बिहीवाः जुइगु दु।

Categorized in कासा