न्युजिल्यान्डं वेस्ट इन्डिजनाप एकदिवसीय क्रिकेट शृङ्खला त्याकूगु दु। बारबाडोसय् थौं सुथय् जुगु कासाय् न्युजिल्यान्डं न्यागु विकेट बिजयी जुया शृङ्खला २–१ न त्याकूगु खः।

वेस्ट इन्डिजं बिःगु ३ सय २ रनया लक्ष्य न्युजिल्यान्डं ४७ ओभर १ बलय् न्यागु ५ विकेटय् पूरा याःगु खः। न्युजिल्यान्डया लागि टोम लेथम, ड्रयाल मिचेल, मार्टिन गप्टिल व डेभोन कन्वे न अर्धशतकीय पारी म्हितीगु खः।

टोम लेथमं ६९ रन, मिचेलं ६३, गप्टिलं ५७ व कन्वे न ५६ रनया योगदान याःगु खः। अथेहे, जेम्स निसमं ३४ रन व मिचेल बार्किवेल १४ रन दयकूगु खः। वेष्ट इन्डिजया जासन होल्डर व यानिक कारिकं निगु निगुव अल्जारी जोसेपं छगु विकेट काःगु खः।

व स्वया न्हापा ब्याटिङ याःगु वेष्ट इन्डिजं ५० ओभरय् ८ विकेट गुमे याना ३ सय १ रन दयकूगु खः। कायल मेयर्स न १ सय ५ रनया शतकीय पारी म्हितूगु खः। अथेहे, निकोलस पुरनं ९१, शाही होपं ५१ व अल्जारी जोसेपं २० रनया योगदान याःगु खः।

न्युजिल्यान्डया ट्रेन्ट बोल्डं ३, मिचेल स्टानरं २ व टिम साउथी, लुकिया फर्गुसन व जेम्स् निशामं छगु छगु विकेट काःगु खः।

Categorized in कासा