सेयर बजारय् थौं न कुहावंगु दु। म्हिगः आइतबाः ७.७२ अंकं कुहावंगु नेप्से थौं सोमबाः न घटे जुगु दु। सोमबाः बजार परिसूचक नेप्से ७.२४ अंक (०.३५ प्रतिशत) न कुहावया २०५३.३० अंकय् बन्द जूगु खः।

सोमबाः म्युचुअल फण्ड बाहेक दक्को उपसूचक कुहावंगु दु। नेप्सेय् सामान्य कुहावगु दु सा कारोबार रकम न घटे जूगु दु। आइतबाः २ अर्ब ४ करोड ७० लाख ९४ हजारया कारोबार जुगुलि थौं सोमबाः कारोबार रकम २ अर्ब स्वया कुहावःगु दु। नेप्से थौं ५२ लाख ३० हजार ७६३ कित्ता सेयर किनबेच जुगुलि १ अर्ब ७२ करोड ६२ लाख ८७ हजारया कारोबार जूगु खः।

उकि मध्ये हिमाल दोलखा हाइड्रोपावरया २८ करोड १८ लाख ७१ हजारया कारोबार जुगुलि रिडी हाइड्रोपावरया ८ करोड ५० लाख ३६ हजारया कारोबार जूगु खः। १८७ कम्पनीया सेयर कारोबार जूगुलि १२४ कम्पनीया सेयर भाः कुहावंगु दु। अथेहे ४७ कम्पनीया सेयर भाः थहावगुलि १६ कम्पनीया भाः स्थिर जूगु दु।

आइतबाः कारोबार जुगु मध्य अपर हेवाखोला जलविद्युत् कम्पनीया सेयर भाः १० प्रतिशत व मन्दाकिनी हाइड्रोपावरया सेयर भाः ९.९७ प्रतिशतं थहावना सर्किट लेभलय् थ्यका बन्द जुगु खः। अथेहे सिटिजन्स म्युचुअल फण्ड १ या इकाइ भाः ७.२२ प्रतिशतं थहावंगु दु सा एनआईबीएल समृद्धि फण्ड २ या इकाइ भाः ६.७५ प्रतिशतं कुहावंगु दु।

अथेहे, दोर्दी खोला जलविद्युत् कम्पनी सेयर भाः ५.१९ प्रतिशत व श्वेतगंगा हाइड्रोपावर एण्ड कन्स्ट्रक्सन कम्पनीयभा सेयर भाः ४.१५ प्रतिशतं कुहावंगु दु।

Categorized in राष्ट्रिय