२०७९ आश्विन २०, बिहिबार

रेशम चौधरीया जहान रञ्जिता श्रेष्ठं कैलाली १ पाखे उम्मेदवारी बिइगु

लहनान्युज | गुंलागा त्रयोदशी ११४२, भाद्र ९ बिहीवाः

नागरिक उन्मुक्ति पार्टीया अध्यक्ष रञ्जिता श्रेष्ठ चौधरीं आः जुइ त्यःगु प्रतिनिधि सभा निर्वाचनय् कैलाली क्षेत्र नम्बर १ पाखे उम्मेदवारी बिइगु घोषणा याःगु दु।

बुधबाः छगु ज्याझ्वलय् अध्यक्ष चौधरीं अथे घोषणा याःगु खः। ‘२०७९ साल मंसिर ४ गते जुइगु प्रतिनिधि सभा निर्वाचनय् कैलालीका ५ क्षेत्रमध्ये क्षेत्र नम्बर १ य् नागरिक उन्मुक्ति पार्टीपाखे जिं उम्मेदवारीया घोषणा याये’, धका वयकलं धयादीगु खः।

रञ्जिता २०७४ य्े प्रतिनिधिसभा सदस्य निर्वाचनय् निर्वाचित जूम्ह रेशम चौधरीया जहान खः। टीकापुर घटनाय् दोषी जुगु अभियोगय् रेशम चौधरी कारागारय् च्वनाच्वंगु दु।

कारागारय् जुगुलि रेशमं चुनाव ल्वायेत सम्भव मजुलि रञ्जितां थःम्हेसिया उम्मेदवार जुइगु घोषणा याःगु खः।

२०७८ पुसय् गठन जुगु नागरिक उन्मुक्ति पार्टी न स्थानीय निर्वाचनय् कैलाली, टीकापुर व भजनी नगरपालिका, जानकी व जोशीपुर गाउँपालिकाय् प्रमुख पद त्याकूगु खः।

Categorized in राजनीति