मंसिर ४ गते जुइगु प्रदेश व प्रतिनिधिसभा चुनावय् सिटया बाँडफाँट यायेत च्वंगु सत्ता गठबन्धनया शीर्ष नेतापिनिगु बैठक निष्कर्षय् थौं न मथ्यःगु दु।

बहनि ५ बजेनिसे ८ बजेतक सिट बाँडफाँट यायेगु विषय छलफल यायेत शीर्ष नेतापिनिगु सहमतिइ मजुगु कन्ह्यः हाकन बैठक च्वनिइगु धका धाःगु दु।

चुनावी तालमेल यायेगु इलय् थःपिन्त १०० सिट माः धका दावी नेपाली कांग्रेसं याःगु दु। माओवादीं ६०, नेकपा एकीकृत समाजवादीं ४०, जसपां ३२ व जनमोर्चा न निगु सिटया दावी याःगु खः।

Categorized in राष्ट्रिय