२०७९ आश्विन २०, बिहिबार

लहनां नेवाः समुदायया अधिकारया सः ल्ह्वनावःगु दु

लक्की चौधरी | यंलाथ्व एकादशी ११४२, भाद्र २१ मंगलवाः

वंगु गुदँ न्ह्यःनिसें मदिक्क पिदनावःगु नेपाल भाषाया रंगीन वाःपौ ‘लहना’ या ४०० ल्याः पिथंगु लसतां जाःगु इलय् पत्रिका अले पत्रिका सञ्चालक सकसितं दुनुगलं निसें बधाई व थथे हे मदिक्क पिदनाच्वने फय्मा धकाः भिंतुना देछानाच्वना । 
 
पत्रिका पिकाय्त गुलि अःपु, उकियात निरन्तरता बी उलि हे थाकु । लहनां नेवाः समुदायया भाषा, संस्कृतिया संरक्षण व प्रवद्र्धनय् ब्यूगु ज्वःमदुगु योगदानयात न्ह्याक्व च्वछाःसां मगाः ।
 
लहना वाःपतिं समुदायया संस्कृति, संस्कार अले पहिचानयात जक पिब्वःगु मखसें, नेवाः समुदायया हक अधिकार, प्रथाजन्य व्यवस्थाया कानुनी आधार निर्माणय् नं उत्तिकं हे पैरबी यानावःगु दु । २०७० फागुन २७ गतेनिसें मदिक्क पिदनावःगु लहना वाःपौया उत्तरोत्तर प्रगतिया भिंतुना देछानाच्वना ।