२०७४ सालया प्रतिनिधि सभा व प्रदेशसभा सदस्यपिनिगु बन्दसूची असोज १ गतेनिसे स्वतः खारेज जुइ धका निर्वाचन आयोगं धाःगु दु।

आःतक कायम बन्दसूची असोज १ गते चान्ह्यः १२ बजेनिसे स्वतः खारेज जुइगु निर्णय जुगु दु धका आयोगया प्रवक्ता शालिग्राम शर्मा पौडेलं जानकारी बिःगु दु।

वइगु मंसिर ४ गते जुइत्यःगु प्रदेश व प्रतिनिधि सभा निर्वाचनय् समानुपातिकपाखे बन्दसूची थ्व हे असोज २ व ३ गते बुझे यायेगु कार्यतालिकाय् दु।

तर २०७४ या बन्दसूची कायम दुगु अवस्थाय् लिपागु पटकया बन्दसूचीइदुपि २०७९ या बन्दसूचीइ समावेश यायेज्यु वा मजिउ धइगु अन्यौलय् दु। थुकियात दलपिन्स प्रष्ट यायेत निर्वाचन आयोगयात इनाप याःगु दु।

Categorized in राष्ट्रिय