२०७९ आश्विन २०, बिहिबार

कन्ह्यः १ असोजया चान्ह्यःनिसे संसदया कार्याकाल क्वचाइगु –एमालेया अध्यक्ष ओली

लहनान्युज | यंलागा षष्ठी ११४२, भाद्र ३१ शुक्रवाः

नेकपा एमालेया अध्यक्ष केपी शर्मा ओलीं कन्ह्यः १ असोजया चान्ह्यःनिसे संसदया कार्याकाल क्वचाइगु धासे थःथःगु थासय् वनेत पार्टीया सांसदपिन्त निर्देशन बिःगु दु।

एमाले संसदीय दलया शुक्रबाः च्वंगु बैठकय् ओलीं सांसदया रुपं म्हितुगु भूमिकाया लागि सुभाय् बिःगु दु। संकटया इलय् पार्टीइ साथ बिउगु धासे वयकलं धाःगु दु, ‘सरकारं संसदया कार्यकाल तहाकेगु स्वयाच्वंगु दु ।

तर झीगु लागि कन्ह्यनिसे संसदया कार्यकाल क्वचाइ, कन्ह्यःनिसे झी सांसद जुया वयेमखु।’ एमाले प्रमुख सचेतक विशाल भट्टराईया कथं ओलीं आः चुनावय् खटे जुइत निर्देशन बिःगु दु। ओलीं धाःगु दु, ‘चुनाव वल। छिकपि थःथःगु थासय् खटे जुयादीस, एमालेयात बहुमत हयेत लगेजुयादीस।’

Categorized in राजनीति