वाति लः मुनेगु व सफा चःबिया अभियन्ता प्रकाश अमात्य थौं मन्त । वय्कः शुक्रवाः बहनी मदुगु खः ।

थौं न्हिनय् हृदयघात जूम्ह वय्कःयात मेडिसिटी अस्पताल यंकूगु खः। वासः याकुयाकुं बहनी साढे ८ बजे पाखे मदुगु खः। सिथि नखःयात लः दिवस कथं हनेगु अभियान न्ह्याकादीम्ह मध्ये छम्ह खः ।

अत्याधुनिक सार्वजनिक चःबि व्यवस्थापनया ज्याय् सक्रिय जुया च्वनादीम्ह वयकःयात लहना वाःपौंया ४०० ल्याखय् वंगु भाद्र १७ गते छगु ज्याझ्वलय् लहना बिशेष सम्मान जुगु खः।

गुथि, इन्फो, एनजिओ फरम लिसें रेडक्रसलिसे आवद्ध अमात्य भाषा ख्यलय् नं सक्रियम्ह खः । वय्कःया जहान व काय छम्ह दी ।

Categorized in राष्ट्रिय