प्रतिनिधिसभाया महाभियोग सिफारिस समितिइ निलम्बित प्रधानन्यायाधीश चोलेन्द्रशमशेर जबराया बयान क्वचाःगु दु।

शनिबाः व स्वया न्ह्यः बयान काःगु लिखित रुपय् ल्हाःचिं तयकेगु नाप पूरा न्ह्यसःया लिसः काये धुका वयकःया बयान क्वचाःगु खः। आः शनिबाःया ३ बजे सिफारिस समितिं मेगु बैठक च्वना प्रतिवेदन तयार याइ धका ज्येष्ठ सदस्य रामबहादुर विष्टं जानकारी बिःगु खः।

‘महाअभियोग प्रस्तावय् अनुसन्धान क्वचाःगु दु, प्रतिवेदन तयार याये ल्यः दनिइ, सचिवायपाखे मस्यौदा तयार जुगु दु, उकियात अन्तिम रुप बिइत न्हिनय् ३ बजे बैठक सःतूगु दु’ धका वयकलं पत्रकारपिन्त धाःगु दु।

Categorized in राष्ट्रिय