राष्ट्रपति विद्यादेवी भण्डारीं संविधान दिवस व राष्ट्रिय दिवस, २०७९ या लसताय् सकल नेपाःमिपिन्त भिंतुना बियादीसे वयकलं संविधानं नेपाःया समाजयात बृहत् राष्ट्रिय एकताया सूत्रय् आबद्ध याःगु दु धका धयादीगु दु।

भिंतुना सन्देशय् राष्ट्रपति भण्डारीं सङ्घीय लोकतान्त्रिक गणतन्त्र स्थापनार्थ यायेगुलि थीथी आन्दोलनया झ्वलय् जीवन उत्सर्ग यायेत शहीद जुयादीपिन्त भावपूर्ण श्रद्धाञ्जली अर्पण यानादीसे देशय् लोकतान्त्रिक प्रणालीया जग तयेत पथ प्रदर्शन यानादिपि सकल न्ह्यलुवा पिन्त सम्मान यानादीगु दु।

‘नेपाःया जनता दशकौँ तक सङ्घर्ष व बलिदानया फलस्वरूप २०७२ साल असोज ३ गते सङ्घीय लोकतान्त्रिक गणतन्त्र नेपाःया संविधान जारी जूगु ऐतिहासिक उपलब्धियात लुमकां व सम्मान यायेत थौं झीसं संविधान दिवस नाप राष्ट्रिय दिवस हनाच्वनागु दु’ धका सन्देशय् धयादीगु खः।

Categorized in राष्ट्रिय