२०७९ आश्विन २०, बिहिबार

टी–२० क्रिकेटया न्हापागु कासा इंग्ल्यान्ड बिजयी

लहनान्युज | यंलागा एकादशी ११४२, असोज ५ बुधवाः

न्हापागु टी–२० क्रिकेटय् इंग्ल्यान्डं घरेलु टोली पाकिस्तानयात पराजित याःगु दु। कराची चान्ह्यः जुगु कासाय् इंग्ल्यान्डं पाकिस्तानयात खुगु विकेटं बूकुगु खः।

थुगु कासा लिपा पाकिस्तानय् वःपि इंग्ल्यान्ड न्ह्यय्गु कासाय् जुइगुलि आः १–० न्ह्यने जुगु दु। पाकिस्तानं बिगु १ सय ५९ रनया लक्ष्य इंग्ल्यान्डं १९ ओभर २ बलय् ४ विकेटय् पूरा याःगु खः। इंग्ल्यान्डया एलेक्स हालेसं ५३ रनया अर्धशतकीय म्हितूगु खः। पाकिस्तानया उस्मान कादिरं निगु विकेट काःगु खः।

थ्व स्वया न्ह्यः ब्याटिङ याःगु पाकिस्तानं २० ओभरय् ७ विकेटय् १ सय ५८ रन दयकूगु खः। पाकिस्तानया मोहमद रिजवानं ६८ रनया अर्धशतकीय म्हितूगु खः। इंग्ल्यान्डया लुक उडं स्वंगू व आदील राशिदं निगु विकेट काःगु खः। इंग्ल्यान्डं १७ दँ लिपा पाकिस्तानय् वया म्हितूगु खः।

इंग्ल्यान्डं वंगु सन् २००५ य् पाकिस्तानया भ्रमण याःगु खः। मेगु कासा कन्ह्यः जुइ।

Categorized in कासा