नेवाः पत्रकार राष्ट्रिय दबू यल शाखाया थौं झीक्वःगु दँ मुँज्या व स्वक्वःगु तँमुज्या जूगु दु। छगु ज्याझ्वः दथुइ पत्रकार दबूया अध्यक्ष सुरजबीर बज्राचार्यं उलेज्या यानादीगु खः।

उगु ज्याझ्वलय् पाहाँ कथं नेपाल पत्रकार महासंघ यल शाखाया अध्यक्ष सागर नेपाल व श्रृजना बैद्य पाहाँ कथं झायादीगु खः।

पत्रकार दबू यल शाखाया अध्यक्षय् मन्जु बज्राचार्य सर्वसम्मत कथं निर्वाचित जूगु दु। अथेहे उपाध्यक्षय् लक्ष्मीकुमारी श्रेष्ठ व उपाध्यक्ष सुनिता बाटाजु निर्वाचित जूगु दु।

सचिवय् पूर्णिमा शाक्य, कोषाध्यक्ष कल्पना महर्जन, सह–सचिव कुसुम शाक्यपि निर्वाचित जूगु दु। सदस्यय् बाबुकाजी जल्मी व पवित्रकुमार महर्जन निर्वाचित जूगु खः।

अथेहे केन्द्रीय सभासदय् विसन्तर शाक्य, सागर महर्जन, विकास माली, अनुप शाक्य व सुवीन श्रेष्ठ निर्वाचित जुगु दु।

निर्वाचन कमिटीइया संयोजक नृपेन्द्रलाल श्रेष्ठ, दबू केन्द्रीय बरिष्ठ उपाध्यक्ष व सदस्यय् सह सचिव राजु नापित व केन्द्रीय सदस्य प्रजित शाक्यपि च्वनादीगु खः।

Categorized in राष्ट्रिय