विश्व स्वास्थ्य संगठन (डब्ल्यूएचओ) न भारतया मेडन फर्मास्युटिकल्स कम्पनीं उत्पादन याःगु मचापिनिगु सेँखंया वासः प्रयोग मयायेत सुझाव बिःगु दु।

गाम्बियाय् सेँखंया वासलं ६६ म्ह सीउगु घटनां उगु वासः हे मुख्य कारण जुइफु धासे डब्ल्यूएचओ न उगु सुझाव बिःगु खः। बुधबाः मिडिया ब्रिफिङया झ्वलय् डब्ल्यूएचओया प्रमुखं भारतया मेडन फर्मास्युटिकल्स कम्पनीया प्यंगू प्रकारका कफ व कोल्ड सिरप उत्पादन याःगु खः। उगु वासलं गाम्बियाय् मस्तं सीउगु खः।

बुधबाःया मिडिया ब्रिफिङय् धाःगु दु, ‘डब्ल्यूएचओ न थौं गाम्बियाय् लूगु प्यंगु वासःयात कया उगु चेतावनी जारी याःगु खः, उगु जलास्येँ गम्भीर असर व ६६ म्ह मस्त सीगु नाप सम्बन्धित खः । थुगु मृत्यु तसकं दुःखदायी खः ।’ डब्ल्यूएचओ न धाःगु दु, ‘थुगु प्यंगु वासः कफ व कोल्ड सिरप खः, थुगु वासः भारतया मेडन फर्मास्युटिकल्स लिमिटेडं दयकिइ। डब्ल्यूएचओ न थुकिया जाँच यानाच्वंगु दु। थुगु दूषित उत्पादन आःतक गाम्बियाय् जक लुगु दु।

तर मेमेगु देशय् न वितरण जूगु दइ।’ डब्ल्यूएचओ न दक्को देशं मेडन फर्मास्युटिकल्स कम्पनीया उगु वासः प्रयोग मयायेत व जाँच यायेत सुझाव बिःगु दु। डब्ल्यूएचओया कथं डाइथिलिन ग्लाइकोल व एथिलिन ग्लोइकोलय् जक मिले जूगु मदु।

Categorized in अन्तर्राष्ट्रिय