२०७९ मङ्सिर २१, बुधबार

एमालें येँया झीगु निर्वाचन क्षेत्रय् उम्मेदवार लगभग टुंगेयात

लहनान्युज | कौलाथ्व चतुर्दशी ११४२, असोज २२ शनिवाः

नेकपा एमाले न येँया झीगु हे निर्वाचन क्षेत्रय् उम्मेदवार लगभग टुंगे याःगु दु। जनता समाजवादी पार्टी (जसपा) यात येँया ७ य् छगु त्वःतूगु दु सा राष्ट्रिय प्रजातन्त्र पार्टी (राप्रपा) यात येँ प्रदेशसभा सदस्य जक बिइगु एमाले न तयारी याःगु दु

येँ–७ य् एमाले न जसपायात त्वःतूगु दु उगु थासय् जसपाया राजेन्द्र श्रेष्ठ प्रतिनिधिसभा सदस्यया उम्मेदवार जुइत्यःगु दु। अथेहे येँ –१ य् राष्ट्रिय युवा संघया अध्यक्ष किरण पौडेलयात टिकट बिःगु दु सा प्रदेशसभाय् गणेश दुलाल व आत्मराम शर्मायात टिकट बिःगु दु। येँया–२ य् मणिराम फुयालयात टिकट बिःगु दु। प्रदेशसभाय् सानु श्रेष्ठ व मेगु थासय् राप्रपायात छुटे याःगु दु।

येँया–३ य् निवर्तमान सांसद कृष्ण राईयात टिकट बिःगु दु सा प्रदेशसभा सदस्यय् रामेश्वर फुयाँल व चन्द्रमान लामायात टिकट बिःगु दु। येँयां–४ य् राजन भट्टराईयात प्रतिनिधिसभा सदस्यय् टिकट बिःगु दु सा प्रदेशसभा सदस्यय् तेज ढकालयात टिकट बिःगु दु सा प्रदेशसभा सदस्यया उम्मेदवारय् देवराम थापा व विदुर खड्का मध्ये छम्हेसित बिइगु जुगु दु।

येँया–५ य् ईश्वर पोखरेल उम्मेदवार जुइगु दु सा प्रदेशसभाय् दीपक निरौला व नारायण सिलवालयात टिकट बिइगु जुगु दु। येँया–६ य् पूर्व प्रहरी महानिरीक्षक सर्वेन्द्रनाथ खनालयात टिकट बिःगु दु सा प्रदेशसभा सदस्यय् अमन शाक्य व निरेशलाल सिंयात टिकट बिःगु दु। येँया–७ य् जसपाले उम्मेदवार बिःगु दु सा प्रदेससभा सदस्यय् श्याम घिमिरे व जीवन मानन्धरयात टिकट बिःगु दु।

येँया–८ य् अष्टलक्ष्मी शाक्ययात एमाले न उम्मेदवार दयकूगु दु सा प्रदेशसभा सदस्यय् निमा घम्चोयात टिकट बिइत्यःगु दु सा मेगु थासय् राप्रपायात छुटे याःगु दु। येँया–९ य् कृष्णगोपाल श्रेष्ठयात उम्मेदवार याःगु दु सा प्रदेशसभाय् केशव पोखरेल व हरिकृष्ण डंगोलयात टिकट बिःगु दु। येँया–१० य् रामबहादुर थापा बादलयात उम्मेदवार दयकेगु तयारी याःगु दु सा उकियात क्वछिइ धाःसा ल्यः दनिइ। प्रदेशसभा सदस्यय् शिवभक्ति बलामी व रामशरण बलामीयात टिकट बिइत्यःगु दु।

Categorized in राजनीति