वाङ्ममय शताब्दीपुरूष जोशीयात आइसियूलय्
लहनान्युज | कौलागा पारु ११४२, असोज २४ सोमवाः
वाङ्ममय शताब्दी पुरूष सत्यमोहन जोशीयात आइसियूलय् तःगु दु। झींन्ह्यन्हु न्ह्यः निसें यलया किष्ट अस्पतालय् वासः याकाच्वनादीगु खः।
आइतवाः अस्पतालया निर्देशक प्रा.डा. सुरज बज्राचार्य जारी याःगु विज्ञप्तिइ वयकःया स्वास्थ्यय् उल्लेखनीय प्रगति मजुगुलिं आइसियूय् तयेमाःगु धका धाःगु दु।
वयकःया समग्र स्वास्थ्यय् उल्लेखनीय प्रगति खनेमदु व युरिन इन्फेक्सन व छातीइ निमोनियाया कारण पमोनोलोजिष्ट व इन्टरनल मेडिसिन विभागया विभागीय प्रमुख प्रा.डा.मिलेशजंग सिजापतिया सल्लाह कथं सघन उपचार कक्षय् यके त्यनाःगु धका विज्ञप्तिइ न्ह्यथंनातःगु दु।
वाङ्ममय शताब्दीपुरूष जोशीयात असोज ७ गते किष्ट अस्पतालय् भर्ना याःगु खः।
