प्रतिनिधि सभा व प्रदेशसभाय् करिब ६०० म्हेसिया उम्मेदवारपिन्स मनोनयनपत्र लितकाःगु दु। निर्वाचन आयोगया कथं प्रतिनिधि सभाय् ११४ नाप प्रदेशसभाय् ४८३ म्हेसिया मनोनयनपत्र लितकाःगु दु।

थ्व उम्मेदवारी रद्द जुपिनिगु नापया ल्याः खः। निर्वाचन आयोगया कथं, प्रतिनिधिसभाय् कुल २ हजार ५२६ म्हेसिया उम्मेदवारी दर्ता याःगु खःसा आः घटे जूया २ हजार ४१२ म्ह थ्यःगु दु।

प्रदेशसभाय् ३ हजार ४७६ म्हेसिगु उम्मेदवारी बिगुलि आः घटे जूया २ हजार ९९३ म्ह थ्यःगु दु। बुधबाः न्हिनय् तक सम्म उम्मेदवारी लित कायेगु ई निर्वाचन आयोगं बिउगु खःसा वया लिपा नां तक पिकया निर्वाचन चिं तक बिइ धुकुगु दु।

Categorized in राष्ट्रिय