कन्ह्य सार्वजनिक बिदा
लहनान्युज | कौलागा अष्टमी ११४२, असोज ३१ सोमवाः
सरकारं वाङ्मय शताब्दी पुरुष सत्यमोहन जोशी मदुगु शोकय् कन्ह्यः मङ्गलवाः सार्वजनिक बिदा बिउगु दु।
गृह मन्त्रालयया प्रवक्ता फणिन्द्रमणि पोखरेलं थौं सोमवाः छगु विज्ञप्ति पिकया कन्ह्यः मङ्गलवाः कात्तिक १ गते जोशी मदुगु शोकय् देयन्यक सार्वजनिक बिदा बिइगु निर्णय जुगु दु धका जानकारी बिःगु दु।
शताब्दी पुरुष जोशी १०३ दँय् म्हिगः आइतवाः सुथय् मदुगु खः। वयकःया शोकय् देयन्यक सरकारी कार्यालय, सार्वजनिक सङ्घ–संस्था व विदेशय् दुगु कुटनीतिक नियोगय् राष्ट्रिय ध्वाँय् झुके यायेगु निर्णय जूगु दु धका पोखरेलं धाःगु दु।
