वाङ्गमय शताब्दि पुरुष नाप संस्कृतिविद् सत्यमोहन जोशी मदुगुलि दुखंकःपि छेँ जःपिन्थाय् विचाः हायेकेत संस्कृति पर्यटन नाप नागरीक उडयन मन्त्री जीवनराम श्रेष्ठ वयकः पिनिगु छेँय् झायादीगु दु।

विहिबाः सुथय् शताब्दि पुरुष या छेँय् थ्यंकादीम्ह मन्त्री श्रेष्ठं शताब्दि पुरुष या जहान ९९ दँ दुम्ह राधादेवी जोशीयात नापलाना दिगु खः ।

विचाः हायेकेगु झ्वलय् मन्त्री श्रेष्ठं शताब्दि पुरुष जोशी देशया लोक संस्कृति, साँस्कृतिक व साहित्यिक ख्यःया जक मखसे हरेक ख्यःया छम्ह विलक्षण व्यक्तित्व खः धका धासे वयकःयात सदां लुमंकेगु कथं सरकारं ल्ह्वने मागु सकतां पलाः ल्ह्वनेगु खँ कनादिगु खः।

Categorized in राष्ट्रिय