समाजसेवी नाप पूर्व सांसद मैयादेवी श्रेष्ठ ९३ दँय् थौं मन्त । नेपाली कांग्रेसया नेता श्रेष्ठ वंगु चान्ह्यः १ः१० बजे उपचारया झवलय् चितवन मेडिकल कलेजय् मदुगु खः।

श्रेष्ठया शवयात थौं सुथय् ९ः३० बजेनिसे १० बजे तक नेपाली कांग्रेस चितवनया तयातःगु खः। वया लिपा श्रेष्ठया शवयात अन्त्येष्टिया लागि देवघाट यकिइगु जुगु दु।

येँया रविभवनये दुगु नेपाल तरूण दलया केन्द्रीय कार्यालय मैयादेवी श्रेष्ठं हे बिःगु खःसा कांग्रेसया चितवन जिल्ला कार्यालया जग्गा न दान बिःगु खः।

ताः ईतक महिला संघ चितवन जिल्ला अध्यक्ष जुयादीम्ह वयकः ०४८ सालय् गोरखा क्षेत्र नं. २ पाखे सांसदय् निर्वाचित जुगु खः। २०५६ सालय् राष्ट्रिय सभाय् मनोनित जुगु खः।

Categorized in राष्ट्रिय