पश्चिम नवलपरासीया सुस्तास्थित नारायणी खुसिइ डुङ्गा पल्टे जूया स्वम्ह मनू सीगु दु।

गुँभ्वय् वना लिहावयो डुङ्गा गंपि सुस्ता गाउँपालिका–४ या नर्सहीस्थित नारायणी खुसिया घोलय् सोमबाः पल्टे जूया दुर्घटना जुगु धका पश्चिम नवलपरासी प्रहरी प्रमुख ऋषिराम कँडेलं जानकारी बिःगु दु।

वयकःया कथं डुङ्गा दुर्घटना जुया सुस्ता –४ या २२ दँ दुम्ह गुड्डु हरिजन, १८ दँ दुम्ह नीरज हरिजन व १८ दँ दुम्ह रञ्जित गुप्ता मदुगु खः।

अथेहे निम्ह खुसिइ डुबे जूया घाःपाः जूगु दु। घाःपाःजुपि २२ दँ दुम्ह किशोर हरिजन व सोहित सहानी खः। उमित उपचार यायेत भैरहवाय् यकूगु दु।

Categorized in राष्ट्रिय