एकीकृत समाजवादी येँ १५ शाखा अध्यक्ष राजा शाक्ययात कारवाही
लहनान्युज | कछलाथ्व दशमी ११४३, कार्तिक १७ बिहीवाः
नेकपा (एकीकृत समाजवादी) येँ महानगरपालिका १५ या शाखा अध्यक्ष राजा शाक्ययात कारवाही याःगु दु।
शाक्यं स्वतन्त्र उम्मेदवारी बिइवं पाटीया निर्णय अःखः ज्या याःगु धासे येँ जिल्ला कमिटीं पार्टीया साधारण सदस्य तक मजुइगु कथं कारवाही न्ह्याकूगु खः।
बिहीबाः जिल्ला कमिटी अध्यक्ष एलपी श्रेष्ठं छगु पत्र जारीयासे शाक्ययात कारवाही यानागु धका जानकारी बिःगु खः। श्रेष्ठं जारी याःगु पत्रय् शाक्ययात पार्टीया निर्णय विपरित ज्या याःगु धका धासे साधारण सदस्य तक मजुइगु कथं कारवाही यानागु धका उल्लेख याःगु दु।
नेकपा (एकीकृत समाजवादी) येँ जिल्ला निर्वाचन क्षेत्र नम्बर ८ अन्तरगत महानगरपालिका १५ या शाखा अध्यक्ष तक जुयादीम्ह शाक्यं पार्टीया निर्णय अःखः स्वतन्त्र उम्मेदवारी घोषणा याःगु खः।
Categorized in राष्ट्रिय