युवा नेत्र सेवां किपुया नगर मण्डप श्रीकीर्ति विहारय् मिखाया ल्वगिपिनिगु निःशुल्क उपचारया नापनापं निःशुल्क हे मोतिबिन्दु अप्रेशन शिविर न्ह्यागु दु।

विहिबाःनसें न्ह्याःगु उगु शिविरय् थीथी थासं मिखा जाँचय् यायेगु नाप मोतिबिन्दुया नं अप्रेशन यानागु धका संस्थाया नायः सिद्धार्थ रन्जितं धयादीगु दु। नीन्यादँ न्ह्यःनिसें मिखा ल्वयया ख्यलय् सामाजिक सेवायाना वया च्वंगु थुगु संस्था खः। विहिबाः न्ह्यागु शिविरय् न्हापांगु दिं मिखा परिक्षण व थौं मोतिबिन्दु अप्रेशन याइगु खँ संस्थाया न्वकु श्रीकुमार महर्जनं जानकारी बियादिगु खः।

संस्थाया निखुक्वःगु बुदिंया लसताय् किपुलिइ विहिबाः न्ह्याःगु शिविर शनिबार छगू औपचारिक ज्याझ्वः याना क्वचायेकिगु जुउगु दु ।

उगु ज्याझ्वलय् अप्रेशन जूपिनिगु मिखाया पत्ति चायेकेगु व मिखा सुसाकुसा या विधि नं स्यनिगु खँ ग्वसाखलःपाखें जानकारी बिउगु दु ।

Categorized in राष्ट्रिय