येँ महानगरनाप इजरायलं खुल्ला व्यायामशाला दयकेगु थाय् माग याःगु दु।

नेपाःया लागि इजरायली राजदूत खनान गोडेरं, खुल्ला व्यायामशाला दयकेगु लागि माःगु प्रक्रिया मिलेयाना बिइत महानगरनाप इनाप याःगु दु।

महानगरया उपप्रमुख सुनिता डंगोलया ज्याकूथीइ राजदूत गोडेरं अथे प्रस्ताव याःगु खः। उपप्रमुख डंगोलं गोडेरयात वडा ३, ४ वा ८ य् जुइ फइगु धका धयादीगु खः।

अथे नापलायेगु झ्वलय् राजदूत गोडेरं, थ्व स्वया न्ह्यः न महानगरनाप सहकार्य यायेगु कुत यायेत स्वसां कार्यान्वयन याये मफुगु धका धयादीगु खः । थुगु पटक सहरी स्वास्थ्यया लागि खुल्ला व्यायामशाला दयकेगु ज्याझ्वः दु धका धयादीगु खः।

इजरायलं नेपाःया किसानपिनिगु लागि तर्जुमा यासे आयय् आधारित सीप विकासया ज्याझ्वःयात लिच्वः बिइगु कथं कुतः यायेगु जुइ धका राजदूत गोडेरं धयादीगु खः।

Categorized in राष्ट्रिय