जीवन मानन्धर २०३८ सालनिसे सामाजिक ख्यलय् ज्या याना वयाच्वम्ह वयकः कुमारी क्लबया अध्यक्ष नाप म्हेपी द्यः संरक्षण व व्यवस्थापन समितिया पूर्वअध्यक्ष न जुयादीम्ह खः।

सामुदायिक सेवा केन्द्र नाप सामुदायिक प्रहरी सेवा केन्द्र वडा नं १६ व १९ या सल्लाहकार नाप नेपाल निर्माण व्यवसायी महासंघया पूर्व केन्द्रीय सदस्य न जुयादी। २०४९ सालय् पार्टी प्रवेश याना मानन्धर थ्व स्वया न्ह्यः २०७४ सालया स्थानीय तहया निर्वाचनय् येँं महानगरपालिका– १६ वडाया वडा सदस्य खः। थ्व हे वइगु मंसीर ४ गते जुइगु चुनावय् येँ क्षेत्र नं ७ (१) य् प्रदेशसभा सदस्यया लागि नेकपा (एमाले) या उम्मेदवार जीवन मानन्धर चुनावी अभियान कुहावःगु दु।

जनता नाप भ्यलेपुना थः सामाजिक ज्या व संगठनया बल हे चुनाव त्याइगु मू आधार खः धका धयादीसे मानन्धर चुनाव अभियानय् सक्रिय जुयादीगु दु। मेगु आधार धइगु, सामाजिक ख्यलये जिगु क्रियाशील व जनसम्पर्क खः धका  मानन्धरं धयादीगु दु।

चुनावी अभियानया झ्वलय् मानन्धरं थःम्हेसिया सामुदायिक व निजी विद्यालयय् विपन्न, लोपोन्मुख जाति व शहिद परिवारया सन्तानपिन्त निशुल्क ब्बकेगु, स्वास्थ्य व लःयात याउक छेँ छेँय् थ्यकेगु थःगु एजेण्डा दु धका धयादीगु दु।

मानन्धरं थःगु प्रतिबद्धतापत्रय् नेपाल भाषा, साहित्य, संस्कृतियात संरक्षण, मूर्त व अर्मूत संस्कृतियात संरक्षण व प्रर्वद्धन, फोहोरयात व्यवस्थापन, पर्यटकीय उद्योग प्रवद्र्धन यायेगु, मिसापिनिगु सशक्तिकरण, बालाजु बाईसधाराया संरक्षण व ल्याय्म्हपिन्त स्वरोगार, खुसिइ सूचुपिचू लगायत विषययात प्राथमिकताय् तया ज्या यायेगु धका धयादीगु दु।

Categorized in राजनीति